تخاطيف مع شريف
تخاطيف مع شريف
اهلا بكم فى حلقة جديدة من برنامج تخاطيف مع شريف وقبل ما نبدأ ونقول هنتكلم ف ايه نقول الأول حل سؤال الحلقة إللى فاتت واللى كان من هو الصحابى الجليل الذى حج سرا ؟
والإجابة هى خالد بن الوليد
تعالوا بقى نبدأ حلقتنا النهاردة وبما أننا داخلين على أعتاب رمضان خلاص وعاوزين نكون من أهل الجنة تعالوا نشوف سيدنا رسول الله صل الله عليه وسلم قال إيه :
قال رسول الله صل الله عليه وسلم ( إذا كان أول ليلة من شهر رمضان صفدت الشياطين ومردة الجن وغلقت أبواب النار فلم يفتح منها باب وفتحت أبواب الجنة فلم يغلق منها باب ونادى مناد ياباغى الخير أقبل ويا باغى الشر أقصر ولله عتقاء من النار وذلك كل ليلة ) رواه أبو هريرة رضى الله عنه
يعنى لو أنت دلوقتى عاوز تبقى من أهل الجنة خلاص الباب هيتفتح وعندك فرصة كبيرة جدا يلا طلع كل إللى جواك واعمل كل الخير إللى تقدر عليه وتكلف وتعالى على نفسك علشان تدخل الجنة لان إللى هتلاقيه جواها حاجة تانيه يعنى لو عرفنا اقل واحد فى الجنة حاله هيبقى ايه هنشتاق ليها اكتر واكتر
تعالوا نعرف من سيدنا رسول الله صل الله عليه وسلم فى حديث شريف عن أبى هريرة رضى الله عنه أنه قال
( إن ادنى مقعد احدكم من الجنة ان يقول له تمن فيتمنى ويتمنى فيقول له هل تمنيت فيقول نعم فيقول له فإن لك ما تمنيت ومثله معه )
يا الله يعنى ضعف إللى هيتمناه وده مين اقل واحد فى الجنة عرفتوا انها تستاهل يلا هات آخرك لان بابها هيتفتح كمان شويه وإحنا داخلين على رمضان طلع طاقتك فى الخير علشان لما تدخل على رمضان تكون فى أحسن حال فتصيب الجنة من اول يوم بإذن الله
طيب نعمل ايه علشان رمضان وعلشان ندخل رمضان صح ونكمل بعده صح هنعمل ٤ حاجات طيب إيه هما
١_ التوبة
٢_ نتعرف على ربنا صح
٣_ نتعرف على رمضان صح
٤_ نتعرف على القرآن صح
دول الاربع حاجات إللى هنعملهم مع بعض وهنتعرف عليهم الحلقة الجاية ان شاء الله علشان ماطولش عليكم
فاللهم بلغنا رمضان وقد رفعت عنا البلاء والوباء اللهم بلغنا رمضان وقد فتحت المساجد وأقيمت الصلوات اللهم أحفظ لنا أهلنا واولادنا وبلادنا اللهم امين
وسؤال حلقة النهارده ماهى السورة التى ختمت باسم إثنين من الأنبياء؟
احبكم ف الله
وماتنسوش خليكم ايجابيين خليكم ف بيوتكم
والسلامة عليكم ورحمة الله وبركاته
وده لينك الحلقة فيديو إللى عاوز يشوفها فيديو
ليست هناك تعليقات:
إرسال تعليق